每次要开始做嘢，就会开启拖延模式：坐喺台前，明明谂好要做乜，但写两行字又删返，发阵呆又揿去睇下IG。最后乜都冇做到，仲要俾心里面把声闹到自己飞起：「你真系好废，咁简单慨事都做唔好！」慢慢察觉到，原来自己不知不觉将件事谂得太「重」。好似上次要写文，未开始就已经谂：「今次一定要写好，唔可以好似上次咁求其」、「如果写得唔好，实会被人笑」⋯⋯结果？件事重到好似背住旧石头，连开始慨勇气都冇咗。我发现自己成日有个谂法：「做唔到完美，宁愿唔开始」，成件事就卡住咗。直到我同自己讲咗个魔法咒语——「做个垃圾出来先」！每次卡住，就同自己讲：「不论点样，整件垃圾出嚟先」，真系即刻成个人松咗。写第一句唔使再惊写得唔好，做运动唔使再逼自己一次过跑足五公里。原来容许自己做唔好，先系做好慨开始。